Gipahugtan ang seguridad sa Ninoy Aquino Stadium niadtong Biyernes, Hunyo 6, 2025, sa gabii human nakadawat og mga hulga ang mga players sa Magnolia Hotshots nga silang Ian Sangalang, William Navarro, ug Paul Lee.
Ang hulga nahitabo human mapildi ang Hotshots sa NLEX Road Warriors, 107-99, sa panagbangi sa mga top teams sa PBA Philippine Cup.
Usa ka dummy account ang nakit-an nga nag-post og mga hulga sa Instagram ni Sangalang, Navarro, ug Lee. Sumala sa mensahe, nasuko ang maong tawo kay nawad-an siya og dako nga kwarta tungod sa pagpusta sa maong duwa.
Nakig-coordinate dayon ang management sa Hotshots sa mga opisyal sa PBA aron maaksyunan ang sitwasyon.
Ang hulga gihimo pinaagi sa account nga daniel.wang27, nga nakit-an nga nagbilin og malisyusong comments sa daang mga litrato sa Instagram sa tulo ka players.
Dayon, gilihok sa PBA ang kahimtang ug gipasaka ang kaso ngadto sa National Bureau of Investigation (NBI) pagkahuman gi-share ni Abarrientos ang nahitabo sa iyang Instagram story. Hangtod karon, wala pa gibutyag sa liga o sa NBI ang resulta sa ilang imbestigasyon.
Si Ian Sangalang, nga usa sa mga nakadawat sa hulga, nihimo og 21 puntos sa maong duwa ug mao ang ikaduhang leading scorer sa Hotshots bisan pa sa ilang ikaduhang kapildihan sulod sa usa ka semana. / RSC