Naangkon ni kanhi world title contender Giemel Magramo ang bakanateng Oriental and Pacific Boxing Federation (OPBF) super flyweight title pinaagi sa split decision nga daog batok ni Judy Flores sa main event sa Manny Pacquiao Blow-by-Blow boxing promotion niadtong Dominggo sa gabii, Oktubr 20, 2024, sa Okuda Manila Hotel and Casino sa Parañaque City.
Duha ka judges ang nipadaog ni Magramo, 115-112, ug 114-113, samtang ang usa nipadaog ni Flores, 115-112.
Si Magramo nisaka sa 30-4, 23KOs nga rekord samtang si Flores natagak sa 14-3, 8KOs nga baraha. Ning maong daog, gilaumang mosaka si Magramo sa world rankings. Sa kasamtangan, siya maoy No. 30 sa World Boxing Council (WBC). / EKA