Gawas ni Eumir Marcial, adunay laing Pinoy nga boksidor nga mopakita’g aksyon sa undercard sa panagsangka nila ni Filipino boxing legend Manny Pacquiao ug World Boxing Council (WBC) welterweight king American Mario Barrios karong Hulyo 19, 2025 (PH time), sa MGM Grand Garden Las Vegas.
Gitumbok mao si kanhi world champion Mark Magsayo (27-2, 18KOs), kinsa makigkontra ni Mexican Jorge Mata Cuellar (21-2-2, 13KOs) alang sa inilugay sa bakanteng World Boxing Council (WBC) continental American super featherweight title.
Kini maoy ikaduhang higayon nga moaway si Magsayo sa undercard sa away sa Pambansang Kamao ng Pilipinas.
Sa sayo pa, gikatahong makig-away si Marcial (5-0, 3KOs) batok ni American Alexis Gaytan (17-10, 6KOs) sa usa ka eight-round middleweight non-title bout. / ESL