Moaway pagbalik karong Disyembre 10, 2023 (PH time) si kanhi world champion Filipino Mark Magsayo sa Infinite Reality Studios sa Long Beach, California.
Ning maong tahas, kontrahon ni Magsayo si Mexican Isaac Avelar sa usa ka 8-round junior lightweight bout.
Si Magsayo gikan sa duha ka sunosunod nga kapildihan – usa ka world title fight ug usa ka regional title fight.
Nanghinaut si Magsayo nga kon modaog siya ning awaya, hayan moabli pagbalik ang pultahan alang sa iyang tinguha nga makapanuktok og balik alang sa world title.
Si Magsayo, 28, naggunit og 24-2, 16KOs nga rekord samtang si Avelar, 26, adunay 17-6, 10KOs nga baraha.