Ang kanhi featherweight world champion Mark “Magnifico” Magsayo mosukod sa kusog sa Mexicano nga si Jorge Mata para sa bakanteng WBC Continental Americas super featherweight title nga usa sa featured bouts sa Pacquiao vs. Barrios karong adlawa.
Kinahanglan ni Magsayo mopakita og maayong labok ug modaog batok kang Mata para makakuha og laing world title shot. Ang Bol-anon nga si Magsayo nipildi ni Gary Russell Jr. pinaagi sa majority decision aron makuha ang WBC featherweight title tuig 2022. Apan mubo ra ang iyang paglingkod isip kampeon kay nakuha ni Rey Vargas ang korona.
Sa mosunod tuig, gisulay ni Magsayo nga makabawi batok kang Brandon Figueroa para sa interim WBC featherweight belt, apan napildi siya pinaagi sa unanimous decision.
Human sa maong kapildihan, misaka og timbang si Magsayo ug nakadaog og tulo ka sunodsunod nga away batok nila Isaac Avelar, Eduardo Ramirez, ug Bryan Mercado. / RSC