Magtiayon gipusil, samdan; suspek igsuon sa ginang

Magtiayon gipusil, samdan; suspek igsuon sa ginang
GIPUSIL: Naglingkod sa wheelchair sa tambalanan ang sa sa mga nasamdan sa pagpamusil sa Biyernes sa hapon sa lungsod sa Dalaguete. / TAMPO

Ginang uban sa iyang bana gipusil sa iyang igsuon nga lalaki samtang sila naglakaw lang pauli sa ilang balay sa alas 3:30 sa Biyernes sa hapon, Hulyo 5, 2024 sa Sityo Panokdokan, Brgy. Cawayan, Lungsod sa Dalaguete, habagatang Sugbo.

Ngan sa magtiayon gipugngan sa kapulisan apan ang asawa nag-edad og 57 anyos samtang ang bana 58 anyos, mga lumolupyo sa nahisgutang dapit.

Ang suspek mao si alyas Totoy, 60, taga Brgy. Paknaan, Siyudad sa Mandaue, maguwang sa ginang.

Nasayran sa Superbalita Cebu pinaagi sa pasiunang imbestigasyon sa kapulisan sa lungsod sa Dalaguete ubos sa kamanduan sa ilang hepe nga si P/Maj. Vincent Awit Zozobrado nga ang mga biktima gikan sa barangay hall naglakaw.

Giatangan sila ni Totoy ug gipamusil gamit ang wa pa matino nga kalibre sa armas.

Ang magtiayon dali nga gidala sa Bogo Argao District Hospital sa lungsod sa Argao samtang ang suspek wa pa madakpi ning pagsuwat.

Away sa kabtangan ang nag-unang motibo nga gisusi sa kapulisan. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph