Magtiayon naaksidente sa Alcoy; bana namatay

GILUWAS: Dali nga giluwas sa mga emergency responder sa lungsod sa Alcoy ang magtiayong sila si Tertuliano Bergantin, 66, ug asawa nga si Nimfa, 60,gikan sa bung-aw nga ilang nahagbungan. /
GILUWAS: Dali nga giluwas sa mga emergency responder sa lungsod sa Alcoy ang magtiayong sila si Tertuliano Bergantin, 66, ug asawa nga si Nimfa, 60,gikan sa bung-aw nga ilang nahagbungan. / ALCOY POLICE STATION

Retirado’ng seaman nama­tay samtang asawa nga ma­estra naangol human ang ilang motorsiklo nabangga sa barrier ug sila nangahagbong sa bung-aw sa Lunes, Marso 4, sa hapon sa Brgy. Guiwang, lungsod sa Alcoy.

Ang mga biktima giila nga sila si Tertuliano Bergantin, 66, ug asawa nga si Nimfa, 60, pulos nagpuyo sa lungsod.

Matod ni Police Corporal Veronico Manriquez, Jr., imbestigador sa Alcoy Police Station, nga gikan nagkuha sa iyang asawa si Bergantin.

Gituohan nga kusog ang dagan sa motorsiklo sa ilang pag-abot sa dapit hinungdan nga nawad-ag kontrol sa manubela si Tertuliano ilabi na nga dulhugon ug kurbadahon ang karsada hinungdan nga sila nabangga sa concrete barrier.

Gumikan sa kakusog sa impact, nangalagpot ang magtiayon gikan sa ilang gisakyan nga motorsiklo.

Sila nangahulog sa bung-aw nga may gilawmon nga gibana-banang 10 metros.

Nadala sila sa tambalanan apan namatay ang bana. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph