Magtiayon nasikop sa buy-bust

DAKPAN: Ang tulo ka mga suspetsadong durugista sa Brgy. Tanke, dakbayan sa Talisay nga nasikop sa buy-bust sa kapulisan.
DAKPAN: Ang tulo ka mga suspetsadong durugista sa Brgy. Tanke, dakbayan sa Talisay nga nasikop sa buy-bust sa kapulisan. TALISAY POLICE

Napriso ang usa ka magtiayon ug giingong ilang amo nga giilang high value individual human sila nasikop sa buy-bust sa Huwebes sa tungang gabii, Disyembre 28, sa sityo Rattan, Brgy. Tangke, siyudad sa Talisay.

Ang buy-bust nga gilusad sa Talisay City Drug Enforcement Unit sa Talisay City Police Station nga ubos sa kamanduan sa ilang hepe nga si Lt. Colonel Wayne Magbanua, ubos sa koordinasyon tali sa Philippine Drug Enforcement Agency (PDEA7), nisangko sa pagkasikop ni Juvy Dacoylo Herosa, 45, minyo, way trabaho, taga Sityo Galaxy, Tanke, giilang HVI.

Lakip sa nasikop ang magtiayong sila si Reynaldo Cabrillos Racaza, 54, tricycle driver, ug si Marivic Sotavinto Racaza 52, vendor, taga sityo Rattan, Tanke, giingong mga kunsabo ni Herosa.

Si Herosa nakuhaan og usa ka pakite’ng shabu ug laing 14 ka pakite nga iyang gihuptan ingon man .38 kalibre nga revolver nga may duha ka mga bala. Ang magtiayon nga Racaza nakuhaan og duha ka mga pakite sa gituohang shabu.

Ang tanan nitimbang og 10 gramos nga dunay standard drug price (SDP) nga P71,060.

Ang tulo ka mga suspek pasakaan og kalapasan sa Republic Act 9165 kun Comprehensive Dangerous Drugs Act of 2002.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph