Mahinay wa mihinay aron lupigon ang Kenyan sa AndotSports Run

 PASPAS, DI HINAY: Nagbarog sa tunga sa podium si Mark Mahinay (tunga) human niya nadaog ang men’s 16-K category sa AndostSports 10 Miler Run For A Cause. Kauban ni Mahinay mao sila si 2nd placer Kenyan Eric Chepsiror (wa) ug 3rd Florendo Lapiz (tuo). /
PASPAS, DI HINAY: Nagbarog sa tunga sa podium si Mark Mahinay (tunga) human niya nadaog ang men’s 16-K category sa AndostSports 10 Miler Run For A Cause. Kauban ni Mahinay mao sila si 2nd placer Kenyan Eric Chepsiror (wa) ug 3rd Florendo Lapiz (tuo). / Spectrum Facebook Page

Gilupig ni Mark Mahinay sa lahutay ang beteranong Kenyan runner nga si Eric Chepsiror aron labnihon ang korona sa AndostSports 10 Miler Run For A Cause men’s category kagahapon, Enero 28, 2024, sa Cebu Business Park.

Gikompleto ni Mahinay ang 16-kilometro nga lumba sulod sa 51 minutos ug 57 segundos. Mibentaha siya og unom ka mga segundos kang Chepsiror nga adunay 52:03 nga oras.

Niangkon sa ikatulong dapit mao si Florendo Lapiz, kinsa naabot sa finish line sa oras nga 53:36.

Sa women’s division, midaog si Cherry Andrin, kinsa nitapos sa 16K nga rota sulod sa usa ka oras, upat ka minutos ug 31 ka segundos.

Naa sa ikaduhang puwesto si Lizane Abella (1:05:34) ug ikatu­lo si Hazel Carabelle (1:25:05).

Sobra sa 1,500 ka runners ang misalmot sa lumba nga usa ka for a cause activity alang sa mga bata nga naay cancer sa Everlasting HOPE Cebu.

Ang mga kampiyon sa laing mga kategoriya mao sila Prince Joey Lee (52:09) ug Asia Paraase (51:57) sa 12K; Rick Organisa (19:19) ug Alona Jungco (28:58) sa 6K; ug Jomel Cabradilla (9:30) ug Jan Lennel Dejan (12:40) sa 3K.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph