NANGAYO og report si Senador Imee Marcos sa Malacañang kabahin sa kamatayon sa usa ka manununod sa Rustan’s retail empire, ug sa giingong koneksyon niini sa First Lady.
Giawhag ni Senador Imee ang Malacañang nga magpagawas og komprehensibo nga report bahin sa mga sirkumstansya nga naglibot sa kamatayon ni Juan Paolo Tantoco.
Sa usa ka pahayag niadtong Martes, Hulyo 15, 2025, si Senador Imee, magulang ni Presidente Ferdinand Marcos Jr., niingon nga kinahanglan sab ipatin-aw sa Malacañang ang giingong “direkta o dili direkta” nga pagkalambigit ni First Lady Liza Araneta-Marcos o ubang opisyales sa gobiyerno sa Pilipinas sa insidente.
“In recent days, reports have circulated online and in various public fora that the untimely death of Mr. Paolo Tantoco on 8 March 2025 in Los Angeles was caused by ‘cocaine effects.’ Some reports further suggest that Mr. Tantoco was ‘apparently’ part of the entourage of the First Lady Liza Araneta-Marcos who was in Los Angeles at that time to promote the Manila International Film Festival,” matod sa senadora.
“More troubling are claims circulating online that the First Lady may have personal knowledge of the circumstances surrounding Mr. Tantoco’s death -- with some alleging that she was present at the scene either shortly before, during, or immediately after the incident,” dugang niya.
Nanawagan si Senador Imee sa Malacañang nga klaruhon ang nahimutangan sa First Lady nga may kalabutan nga oras, ingon sa makita sa official records sama sa Medical Examiner’s Report, aron mawagtang ang dugang nga espekulasyon.
Gikumpirma kaniadto sa Los Angeles Deputy Medical Officer nga si Tantoco, 44, namatay tungod sa cocaine overdose sa The Beverly Hilton Hotel sa Beverly Hills, USA niadtong Marso 8, 2025.
Gihukman sa tig-eksamin ang kamatayon nga aksidente diin ang epekto sa cocaine ang hinungdan ug ang posibleng atherosclerotic cardiovascular disease mahimong usa ka contributing factor.
Si Tantoco didto sa Los Angeles isip kabahin sa entourage nga nag-promote sa Manila International Film Festival sa Hollywood gikan Marso 4 hangtod 7. / TPM / SunStar Philippines