“Ang sa Pangulo naman po ay kung sino po ang dapat na managot ay dapat na panagutin. Kung sinuman po iyan –kamag-anak, kaibigan, kaalyado o kalaban sa politika,” matod pa ni Palace Press Officer Claire Castro niadtong Lunes, Septiyembre 7, 2026.
Tungod niini, gitahod sa Malacañang ang buhatan sa Ombudsman nga nipasaka sa kaso’ng plunder batok ni kanhi House Speaker Martin Romualdez nga may kalabutan sa anomaliya sa flood control projects.
Si Romualdez ig-agaw ni Presidente Ferdinand Marcos Jr.
“Kung ano po ang isinisigaw ng ebidensiya dapat lamang po itong mailahad,” nagkanayon si Castro.
Niadtong Lunes, ang Ombudsman nipasaka og kaso’ng plunder ngadto sa Sandiganbayan batok ni Romualdez ug kanhi Ako Bicol Representative Zaldy Co labot sa iregularidad sa flood control projects.
Base sa pasangil sa imbestigador nga ang duruha giingo’ng nagkumboya sa nahitabong pagpangawkaw sa pundo nga moabot sa P56 bilyunes gikan niadtong 2022 ngadto na sa 2025.
Kahinumdoman nga atol sa ika-5 nga State of the Nation Address ni Pres. Marcos niadtong Hulyo 27, 2026, nga ubay-ubay nga mga kaso ang giatubang sa kanhi speaker.
“Masakit man sa akin ito pero kailangan nating gawin ang tama,” pamahayag sa presidente. / SunStar Philippines