Gibasol sa Malacañang ang pagdagsang sa fake news sa pagkunhod sa pagsalig ug performance rating ni Presidente Ferdinand Marcos Jr., ug ang pagsaka sa iyang disapproval rating.
Sa press conference niadtong Lunes, Abril 21, 2025, si Palace Press Officer Undersecretary Claire Castro nagkanayon nga ang resulta sa bag-ohay nga survey nga gihimo sa Pulse Asia nagpakita sa impluwensya sa fake news sa perception sa mga tawo.
“So kung ang mga tao man na ito nagbigay ng kanilang mga opinion, marahil ay bunga ito ng mga fake news,” matod ni Castro.
“At kung ito man ay totoong nagkaroon ng pagsagot, hindi rin naman papabayaan ng gobyerno dahil dapat nating malaman ang mga respondents, saan ang mga respondents, ang
mga respondents ba na ito ay nakakatanggap ng totoong news o nai-impluwensyahan ng fake news, ang mga respondents ba na ito ay hindi nakakarating ang tulong ng gobyerno? So dapat din natin malaman ito..." dugang niya.
Base sa findings sa survey, ang approval rating ni Marcos nius-os pag-ayo sa 17 percentage points gikan sa 42 percent niadtong Pebrero ngadto sa 25 percent niadtong Marso, samtang ang iyang disapproval rating misaka og 21 points sa 53 percent.
Samtang, usa ka uptrend ang natala sa approval rating ni Bise Presidente Sara Duterte gikan sa 52 porsiyento sa Pebrero ngadto sa 59 porsyento sa Marso, samtang ang iyang dili pagtugot nahulog gikan sa 26 ngadto sa 16 porsiyento.
Bisan pa, si Castro niingon nga ang opinyon sa 2,400 ka mga respondents sa survey wala magpakita sa sentimento sa kapin sa 100 ka milyon nga mga Pilipino sa nasod.
FAKE NEWS
Sa usa ka sectoral meeting niadtong Lunes, si Castro niingon nga si Presidente Marcos mimando sa mga ahensiya sa gobiyerno sa pagpalig-on sa ilang mga paningkamot batok sa fake news ilabina sa online.
Gikutlo ni Castro ang usa ka taho gikan sa usa ka Israel-based data intelligence ug disinformation security firm nga nag-ingon nga ang lebel sa coordinated
disinformation nga nakita sa Pilipinas labaw pa sa kasagaran nga pito ngadto sa 10 porsiyento nga hanay sa online nga mga panag-istoryahanay sa tibuok kalibutan mahitungod sa hilabihan ka sensitibo o polarizing nga mga isyu.
“Dahil kapag ang fake news ay lumaganap, mismong sarili nating pagde-desisyon ay maaari na tayong magkamali dahil ito ay impluwensya lamang ng fake news,” dason ni Castro.
Gidayeg usab sa Malacañang ang Philippine National Police (PNP) sa ilang mahukmanong lakang sa pagtukod og Joint Anti-Fake News Action Committee (JAFNAC) sa tinguha nga matubag ang nagkadako nga hulga sa sayop nga impormasyon ug disinformation nga naghulga sa pagsalig sa publiko, kalinaw, ug nasudnong kalig-on. / TPM / SunStar Philippines