MAG-LIVE in partner nasakmitan og P108,800 nga balor sa gituohang shabu sa buy-bust sa Philippine Drug Enforcement Agency 7 uban sa Regional Intelligence Unit sa Miyerkules sa alas 5:30 sa hapon, Marso 20, 2024, sa Sityo Plaza, Barangay Apas, Dakbayan sa Sugbo.
Ang mga suspek giilang sila si Jonathan Roca, 44, ug iyang live-in partner nga si Jovelyn Cajutay, 41, pulos walay mga trabaho, giingong maoy drug maintainer.
Lakip sa nadakpan ang duha ka mga lalaki nga silang Jerome Moral, 41, ug Ahmed Romo, 44, habal-habal driver.
Nasakmit sa mga operatiba ang unom ka pakete sa gituohang shabu nga motimbang og 16 gramos. (AYB)