Manag-uyab gipamusil, angol

Talisay City map. (Google Maps)
Talisay City map. (Google Maps)

Angol ang duha ka mga batan-ong manag uyab nga nagsakay og motorsiklo sa dihang gipangpusil sa riding in tandem sa Sityo Mananga 2, Barangay Tabunok, siyudad sa Talisay, alas 7:30 sa gabii sa Lunes, Disyembre 4, 2023.

Ang mga biktima giila nga sila si Jason Cabamo, 20, ulitawo, taga Laray, Brgy. San Roque ug ang iyang ang­kas nga uyab nga si Ana (dili tinu­od ngan), 16, taga Sitio Mananga 2, Barangay Tabunoc.

Sa imbestigasyon sa kapulisan sa dakbayan sa Talisay ubos sa kamandoan sa ilang hepe nga si Police Lt. Col. Wayne Magbanua, ang dalaga nagpahatod sa iyang uyab sa ilang dapit sa Sityo Mananga 2.

Ang duha gisundan sa riding in tandem ug gituparan ang mga biktima, ang angkas nga nagsul-ob og itom nga t-shirt ug nag-bonnet maoy nipusil sa mga biktima.

Ang mga biktima nga angol nalandig sa tambalanan. Atol ning pagsuwat, padayon pa ang imbestigasyon sa kapulisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph