Managlahi nga water district matag LGU giduso ni Rama

MCWD building
MCWD buildingGoogle Street View

Lahi nga distrito sa tubig sa matag local government unit nga giserbisyuhan karon sa Metropolitan Cebu Water District (MCWD) giduso ni Cebu City Mayor Michael Rama.

Niini nga set up, si Rama niingon nga mas maayong maalagaran ang mga konsumidor kon ang ilang tagsa-tagsa ka mga lokalidad moatiman sa ilang mga panginahanglan, ilabi na sa seguridad sa tubig.

Si Rama, sa report nga gi-post sa website sa Cebu City Public Information Office (PIO) sa Dominggo, Mayo 5, 2024, nisubli sa iyang panawagan alang sa mga LGU ubos sa prangkisa sa MCWD, nga mopalit og piping system nga ibu­tang niini sulod sa ilang mga hurisdiksyon ug maghimo og kaugalingong water district.

Ang MCWD nagserbisyo sa mga dakbayan sa Sugbo, Mandaue, Lapu-Lapu, Talisay, ug mga lungsod sa Cordova, Consolacion, Liloan, ug Compostela.

Kini nga panawagan ni Rama nitumaw usab human ang pipila ka mga mayor sa mga lungsod ug siyudad nga giserbisyuhan sa MCWD nakigtagbo sa kampo ni MCWD chairman of the board Jose Daluz III, kinsa gisuspenso sa Local Water Utilities Administration (LWUA) sulod sa unom ka buwan, niadtong Abril 15.

Niadtong Abril 15, si kanhi LWUA-appointed officer-in-charge general manager John Dx Lapid ug mga opisyal sa LWUA, kinsa kasamtangang naglingkod isip mga sakop sa interim board, gidid-an sa pagsulod sa MCWD main office human ang kampo ni Daluz mipalabang og resolusyon, nga nagpugong sa pagsulod ni La­pid ug sa interim board. / JJL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph