Mananagat missing
SunStar Local News GPX

Mananagat missing

Nagpatabang sa publiko, pinaagi sa social media, ang pamilya sa usa ka mananagat nga missing.

Ang wa na igkita sukad niadtong Biyernes sa gabii giila sa iyang pamilya nga si Anmer Dereal, alyas Dodong, 20, ulitawo, grade 12, taga Brgy. Bancilang, lungsod sa Madridejos, mga Isla sa Bantayan, amihanang Sugbo.

Matod pa sa Facebook post ni Judy Jagdon nga sukad alas 9 sa gabii sa Marso 1, 2024, si Dereal wa makadunggo ug nakauli sa ilaha.

Nasuta nga nabugto ang hose sa compressor nga iyang gigamit sa pagsawom sa dagat.

Ang pamilya nanawagan sa publiko sa pagpahibawo kanila kon mabangalan o makit-an si Dereal.

Sa interview sa Superbalita Cebu kang Police Staff Sgt. Ronald Capuyan, imbestigador, iyang gikompirmar nga nidangop kanila ang pamilya.

Matod niya nga alas 12 sa tungang gabii sa Sabado, Marso 2, 2024 ang inahan nga si Analyn Dereal nidangop sa ilang buhatan ug nipahibalo nga wana mahiuli ang iyang anak nga nanagat hinungdan nga nagpatabang sila sa mga sakop sa Philippine Coast Guard sa pagpangita niini. /DVG

Related Stories

No stories found.
SunStar Publishing Inc.
www.sunstar.com.ph