Mananagat naigo sa barko, namatay

SunStar San Remigio
SunStar San Remigio

Napalgang patay ang usa ka mananagat nga gituohang nadasmagan sa usa ka barko samtang nanagat sa alas 9 sa Biyernes sa gabii, Hunyo 14, 2024 sa kadagatan sa Brgy. Punta, lungsod sa San Remigio, amihanang Sugbo.

Ang biktima giila nga si Reynaldo Dabucol, 51, minyo, taga Purok 5, Brgy. Argawanon sa mao nga lungsod.

Basi sa imbestigasyon sa kapulisan sa San Remigio ubos sa kamanduan sa ilang hepe nga si P/Capt. Phil Restauro nga ang biktima nanagat mga alas 5:30 sa hapon nianang adlawa sakay sa iyang baruto.

Mga alas 9 sa gabii, may barko nga miagi ug nabantayan sa laing mananagat nga nawala ang biktima ug iyang gipangita apan wa makit-i ingon man ang iyang baruto.

Sa alas 10 sa Sabado sa buntag, ang amahan sa biktima ug mga silingan nangita kang Dabucol sa kadagatan diin siya nanagat.

Nakit-an ang nabungkag nga baruto sa biktima ingon man siya nga nabaat ang lawas sa pisi.

Nangayo sila og tabang sa Philippine Coast Guard (PCG) ug nakuha ang biktima.

Gidala siya Rural Health Unit apan si Dr. Orieta Ursal nideklarar kang Dabucol nga patay na. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph