Mananagat patay nang nabangalan

 GIGUYOD: Ang missing nga mananagat patay nang naglutaw sa kadagatan sa Kabac Mahayahay, lungsod sa Bantayan sa isla sa Bantayan, alas 7:00 sa buntag, Lunes, Marso 4, 2024. Siya giguyod sa laing mananagat nga nakabangal ngadto sa bayba­yon.  /
GIGUYOD: Ang missing nga mananagat patay nang naglutaw sa kadagatan sa Kabac Mahayahay, lungsod sa Bantayan sa isla sa Bantayan, alas 7:00 sa buntag, Lunes, Marso 4, 2024. Siya giguyod sa laing mananagat nga nakabangal ngadto sa bayba­yon. / TAMPO

Nakit-an na ang gitaho nga missing nga namana ga­mit ang compressor nga si Anmer ‘Dodong’ Dereal, 20, ulitawo, grade 12 , taga Brgy. Bancilang, lungsod sa Madridejos, mga Isla sa Bantayan, amihanang Sugbo.

Naglutaw kini nga patay na sa kadagatan sa Kabac Mahayahay, lungsod sa Bantayan sa samang isla, alas 7:00 sa buntag, Lunes, Marso 4, 2024.

Nabangalan siya sa usa ka mananagat nga nihigot og pisi sa lawas ug niguyod gamit sa pumpboat ngadto sa daplin.

Si Dereal missing sukad niadtong Marso 1, 2024 sa gabii samtang nanagat uban sa duha ka mga silingan.

Ang hose nga nagkonektar sa compressor naputol ug wa na siya makit-i.

Sa unang taho sa Superbalita Cebu gikan kang Police Staff Segeant Ronald Capuyan, imbestigador sa kapulisan sa Madridejos, ang mga sakop sa Bantay Dagat ug Philippine Coast Guard nipahigayon sa search and retrieval operation sukad niadtong Sabado, apan wala gyud siya makit-i. /DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph