Mandaue contigent andam na sa Sinulog

Mandaue City Hall
Mandaue City Hall (File photo: Mandaue City Public Information Office)

Usa ka opisyal sa Mandaue City niingon nga 90 porsiyento nang andam ang Si­yudad sa pagsalmot sa u­­ma­abot nga Sinulog sa Kabataan sa Lalawigan sa Cebu City Sports Center (CCSC) nga kanhi nailhan nga Abellana Sports Complex sa Do­minggo, Enero 14, 2024.

Si Kristian Cabahug, Mandaue Investment Promotions Tourism Action Center (Miptac) head, niingon sa Enero 10, nga ang dancers ka­ron nagtutok sa pipila ka last-minute touch-ups, ilabi na sa ilang choreography.

Adunay dul-an sa 100 ka ma­nanayaw gikan sa Mandaue Cul­tural Dancetrope ang more­presentar sa Siyudad atol sa kompetisyon sa Sinulog sa Kabataan.

Niadto lang Enero 2 nahukman nga mosalmot ang Mandaue sa kompetisyon, busa giangkon ni Cabahug nga ang limitado ang oras sa pagpangandam nga maoy usa sa labing dakong hagit nila.

Apan siya masaligon nga maka-execute og maayo ang mga mananayaw sanglit sila man ang ningrepresentar sa Siyudad sa miaging kompetisyon sa Sinulog.

WAY ESTUDYANTE

Dugang niya nga ang laing ben­taha mahimo’ng walay bisan usa kanila nga mga estudyante.

Ang tanang mananayaw kay job-order employees o out-of-school youths.

Ang grupo nagpraktis kada adlaw sa sayaw nga gi-choreo­graph sa award-winning choreo­grapher nga si Rhonikko Kirong gikan sa ala 1:00 sa hapon hangtod sa alas 2 :00sa kaadlawon sukad sa ilang pag-anunsyo nga moapil sa festival.

Si Cabahug niingon nga ang Siyudad nipagawas og P5 milyunes alang sa kompetisyon. Labaw pa kini sa P2 milyunes nga cash subsidy nga gihatag sa Kagamhanan sa Probinsiya sa Sugbo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph