Aron mapausbaw ang pagpangandam sa sunog, ang Mandaue City Disaster Risk Reduction and Management Office (DRRMO) moapudapod og 100 ka mga fire extinguisher sa matag barangay sa dakbayan isip kabahin sa pag-obserbar sa Fire Prevention Month.
Moabot tanan sa 2,700 ka mga fire extinguisher ang ipang-apudapod sa 27 ka mga barangay.
Ang mga nakadawat nga barangay sama sa Canduman, Casili, Cubacub, Pagsaungane, Basak, Jagobiao, ug Tawason gihatagan usab og medical jump kits ug megaphones aron masiguro nga andam sila sa paspas nga pagtubag sa mga insidente sa sunog ug uban pang emerhensya, hilabina niining panahon sa ting-init. / CAV