PARKING COLLECTOR: Usa sa mga pay parking collector sa pribadong kompan­ya nga nangolekta og bayad bisan hapit na alas 10:00 sa gabii niadtong Sabado, Disyembre 2, 2023, sa Fuente Osmeña, dakbayan sa Sugbo. Samtang, makita usab ang dayag nga pahibalo sa oras ug adlaw sa pagpangolekta og parking pay.
PARKING COLLECTOR: Usa sa mga pay parking collector sa pribadong kompan­ya nga nangolekta og bayad bisan hapit na alas 10:00 sa gabii niadtong Sabado, Disyembre 2, 2023, sa Fuente Osmeña, dakbayan sa Sugbo. Samtang, makita usab ang dayag nga pahibalo sa oras ug adlaw sa pagpangolekta og parking pay. Rolando R. Morallo

Mangolekta’g pay parking bisan og lapas na sa oras

Pipila ka parking areas sa dakbayan sa Sugbo, sama sa Fuente Osmeña, adunay pahibalo o signage nga ang pagkolekta sa pay-parking gikan sa alas 7:00 sa buntag ngadto sa alas 7:00 sa gabii ug adlaw nga Lunes ngadto sa Sabado lang.

Apan namatikdan sa Superbalita Cebu nga bisan lapas na sa alas 7:00 sa gabii, aduna gihapoy mangoleka og parking pay, lakip sa adlaw nga Do­minggo, hinungdan sa pagkuwestiyon sa ubang motorista.

■ PARKING COLLECTOR: Usa sa mga pay parking collector sa pribadong kompan­ya nga nangolekta og bayad bisan hapit na alas 10:00 sa gabii niadtong Sabado, Disyembre 2, 2023, sa Fuente Osmeña, dakbayan sa Sugbo. Samtang, makita usab ang dayag nga pahibalo sa oras ug adlaw sa pagpangolekta og parking pay.
■ PARKING COLLECTOR: Usa sa mga pay parking collector sa pribadong kompan­ya nga nangolekta og bayad bisan hapit na alas 10:00 sa gabii niadtong Sabado, Disyembre 2, 2023, sa Fuente Osmeña, dakbayan sa Sugbo. Samtang, makita usab ang dayag nga pahibalo sa oras ug adlaw sa pagpangolekta og parking pay. Rolando R. Morallo

May kausaban na ba sa lagda o ordinansa?

KOLEKSIYON

Samtang, kabahin sa Cebu City sa koleksyon sa kita gikan sa ilang bayad nga serbisyo sa parking nagkunhod sa nanglabay’ng katuigan hinungdan nga alkansi ang kagamhanan sa siyudad.

Ang bahin sa siyudad nga P9 milyunes lamang hangtod sa Septiyembre 30, 2023, mga katunga sa kantidad sa bahin niini sa tibuok tuig sa 2022 nga mokabat sa P17.7 milyunes, maoy nakaaghat sa Cebu City Council sa paghangyo sa exe­cutive department nga i-review ang kontrata sa siyudad sa Tokogawa Global Corporation (TGC), ang tighatag sa serbisyo sa pay-parking sa Siyudad.

Si Cebu City Mayor Michael Rama nimando usab sa pagrepaso sa joint venture agreement (JVA) tali sa City Government ug TGC niadtong Oktubre ning tuiga, apan kini usa ka aksyon nunot sa report sa Commission on Audit (COA) nga nag-ila sa mga kakulangan sa 2018 JVA.

Ang City’s Information Office, sa sayo pa nga pamahayag, niingon nga ang JVA gisugdan niadtong Nobiyembre 2018 ubos sa administrasyon ni kanhi mayor Tomas Osmeña aron matubag ang mga isyu sa kakuwang sa par­king management services ug illegal parking nga hinungdan sa kahuot sa trapiko matag adlaw.

Base sa naunang mga taho, ang JVA nga gipirmahan niadtong 2018 alang sa tulo ka tuig nga termino. Sa dihang na-expire ang kasabutan niadtong Disyembre 2021, gi-renew kini niadtong Pebrero 8, 2022, alang sa lima ka tuig nga termino. Ang kasabutan ma­tapos sa 2026.

PAGKUNHOD

Ang Cebu City Treasurer’s Office niduso ngadto sa City Council og report kabahin sa parking revenue sa siyudad nga nalakip sa agenda atol sa regular session niadtong Miyerkules, Nobiyembre 29.

Sa report, kini nagpakita sa pagkunhod sa kita sa siyudad gikan sa iyang pay-parking services sukad niadtong 2013.

Sa 2013 hangtod sa 2018, ang koleksiyon sa siyudad mokabat gikan sa P36 milyu­nes ngadto sa P48 milyunes.

Gikan sa 2019 ngadto sa 2022, ang kinatibuk-ang kolek­syon gikan sa pay-parking services gikan sa P26 mil­yones ngadto sa P36 milyones.

Sa kinatibuk-ang koleksyon, ang siyudad adunay bahin gikan sa P17.7 milyones ngadto sa P27.5 milyones, samtang ang uban adto sa TGC. / RRM,JJL

Related Stories

No stories found.
SunStar Publishing Inc.
www.sunstar.com.ph