Manguryente og isda naunay, patay

Toledo City map. (Google Maps)
Toledo City map. (Google Maps)

Namatay ang usa ka construction worker kay nakuryentihan dihang manguryente unta siya og isda sa linaw alas 4 sa hapon sa Biyernes, Marso 22, 2024, sa Sitio Anislag, Brgy. Canlumampao, dakbayan sa Toledo.

Ang biktima giila nga si Joseph Caballero Ponce, 33, ulitawo, taga Upper Gas, Brgy. Canlumampao, dakbayan sa Toledo.

Si Police Staff Sgt. Alfredo De Gracia, Jr., imbestigador sa Toledo Police Station nga nahinabi sa Superbalita Cebu pinaagi sa telepuno sa Sabado, Marso 23, nagkanayon nga nanakop og halwan ang biktima sa gamay nga linaw gamit ang extension wire sa kuryente.

Apan aksidenting nahulog ang live wire duol sa iyang tiil hinungdan siya nakuryentihan ug nahulog sa linaw.

Gidali siya og tabang, gidala sa Toledo City General Hospital apan gideklarar ni Dr. Claurice L. Mangle nga patay nang niabot. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph