Manindahay’g paypay atol sa Sinulog napriso

Manindahay’g paypay atol sa Sinulog napriso
SunStar Local News GPX

Traysikol drayber naghantak kilid sa Basilica Minore del.Sto. Niño nadakpan niadtong hapon sa Enero 14, 2024.

Si Yolando Nugas, 52, minyo, taga Brgy. Taytayan, Dakbayan sa Bogo, amihanang Sugbo natanggong sa Waterfront Police Station ug napasakaan og kasong illegal gambling.

Si Nugas nga nahinabi sa Superbalita Cebu nagkanayon nga siya niabot sa miaging semana sa dakbayan sa Sugbo kay namaligya og paypay atol sa Sinulog nga iyang gipuhonan og P9,000.

Ang puhonan iyang giutang sa usa ka lending company sa dakbayan sa Bogo.

Duna siyay 900 ka buok paypay nga nakumpra sa Carbon Market nga iya sab gisuroy sa Basilica Minore del Sto. Nino.

Apan natintal siya sa mga naghantak kilid sa Basilica, gikaluhaan og malas sa dihang dunay nanakop kanila.

Nagdinaganay ang mga nag­sugal ug siya nisulod sa gilinya nga wire su’d sa Basilica.

Apan dunay polis nga nakakita sa iyang pagsuong kay gidili ang lugar hinungdan nga nadakpan. Nanawagan siya sa iyang kabanay ug asawa nga si Rocelyne, nga duawon siya sa Waterfront Police Station sa dakbayan sa Sugbo.

Naguol siya kay wala masayod iyang asawa ug mga anak kon asa na siya.

“Wala ko magtuo sa akong lakaw unta biyahe alang sa Sr. Sto Niño, mapriso ko,” dugang ni Nugas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph