Wala nakabaton og kampyunato si Dallas Mavericks guard Luka Doncic sa labing una niyang pagtaak sa National Basketball Association (NBA) Finals apan taliwala niini, mapasigarbuon gihapon ang Slovenian superstar sa iyang naabot sa 2023-24 season.
Pagkahuman ning maong playoffs, si Doncic maoy lider sa pinuntosay (635), rebounds (208) ug assists (178).
Siya ang ikaduha pa lang nga magduduwa sa kasaysayan sa NBA nga nahimong lider ning tulo ka mga kategoriya pagkahuman sa usa ka post season.
Si Denver Nuggets superstar Nikola Jokic maoy unang nakahimo niini sa miaging season. / AP