Nirehistro og 4th round knockout nga kadaugan si Filipino Eumir Marcial sa iyang homecoming bout batok ni Thai Thoedsak Sinam niadtong Sabado sa gabii, Marso 23, 2024, sa Ninoy Aquino Stadium sa Malate, Manila.
Pagsugod pa lang, gidominar na ni Marcial ang away gamit ang iyang jabs ug sunodsunod nga mga kumbinasyon sa kumo hangtod nga nakaantimano ang iyang left uppercut nga niigo sa apapangig ni Sinam, kinsa maayong pagkatikangkang.
“‘Yan talaga plan namin. More jab. Iyong left uppercut sinusubukan ko since second round. So I said, maintain the jab and darating rin ang uppercut. Naging successful,” matod ni Marcial.
Kini nga away tipik sa pagpangandam ni Marcial alang sa 2024 Paris Olympics. Si Marcial nisaka sa 5-0, 3KOs nga rekord samtang nahagsa sa 23-14, 19KOs si Sinam. / ESL