Marcos miawhag og disiplina sa karsada

DISIPLINA: Matod ni Presi­dente Ferdinand Marcos Jr. nga gikinahanglan ang disiplina sa karsada aron pagpaluag sa trapiko. /
DISIPLINA: Matod ni Presi­dente Ferdinand Marcos Jr. nga gikinahanglan ang disiplina sa karsada aron pagpaluag sa trapiko. / gikan sa PCO

Sa pag-ila sa trapiko nga usa sa mga dagkong problema sa nasod, giawhag ni Presidente Ferdinand Marcos Jr. ang mga Pilipino sa pagsunod sa mga lagda sa trapiko kay iyang nakita nga ang disiplina maoy solusyon sa trapiko.

Sa iyang vlog, si Marcos niingon nga bisan og magpatuman ang gobyerno og pipila ka mga lakang aron mabatukan ang grabeng trapiko, sama sa paggama og dugang mga karsada ug uban pang mga imprastraktura sa transportasyon, kini magpabilin nga dili epektibo kon ang mga tawo dili gihapon disiplinado sa dalan.

“Pero ang higit na kakulangan nating mga Pilipino sa daan ay ‘disiplina.’ Dapat susunod tayo sa traffic rules. Para tayong mauubusan lagi ng kalye. May bago mang kalye, kung luma pa rin ang ugali ay wala pa rin,” siya niingon.

Gipahinumdoman usab ni Marcos ang mga motorista nga magmatinahuron ug magrespeto sa usag usa, ug nidugang nga ang usa ka yano nga pagtimbaya isip usa ka lihok sa pag-ingon “salamat” dako kaayo’g kahulogan.

“At kapag nakapagbigayan naman tayo, ‘pag pinagbigyan ka, mag ‘thank you’ ka lang. Pinadaan ka, mag ‘thank you’ ka. Kumaway ka lang ng kaunti, malaking bagay ‘yan,” matod niya.

“Pagkaginawa ninyo ‘yun, masasanay tayo sa ganyan at magbibigayan, siguro mas magandang bigayan ‘pagka ganun, ‘pag nagta-thank you man lang ng kaunti,” siya nidugang.

Gipahinumdoman usab niya ang mga kawani sa gobyerno ug mga public servant nga mangulo ug magsilbi nga maayong ehemplo sa ubang mga motorista.

Sa panahon sa pandemya sa Covid-19, ang gobyerno nagpili og bus lane sa Edsa lamang aron maatiman ang publiko nga nagbiyahe.

Gawas sa mga bus, ang mga ambulansya lang nga naghatod sa mga pasyente, Presidente, Bise Presidente, House Speaker, Senate President ug Chief Justice ang gitugotan nga makaagi sa mga bus lane.

Hinuon ang Metropolitan Manila Development Authority (MMDA) padayon nga nanakop sa mga motorista nga iligal nga moagi sa bus lane, lakip na ang mga ambulansya nga wala maapil sa emergency operations, mga polis ug ubang kawani sa gobyerno. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph