Gisalikway ni Presidente Ferdinand “Bongbong” Marcos Jr., ang hagit batok kaniya nga mo-resign sa iyang katungdanan sanglit aduna pa siyay mga problema nga atubangon og dili angayan nga talikdan.
“I will resign? Ba’t ko gagawin ’yun? At wala sa ugali ko ang tinatakbuhan ang problema. What good will that do?” matod ni Marcos sa interbyu.
Nitumaw ang mga panawagan sa pagluwat ni Marcos human niya gimanduan ang tanan niyang mga sakop sa gabinete ug gitudlo nga mga opisyal sa pag-submit sa ilang tagsa-tagsa ka courtesy resignation isip kabahin sa mas lapad nga pagbag-o sa gobiyerno sa tinguha nga mapalambo ang kaepektibo sa iyang administrasyon.
Gipasaligan ni Marcos ang publiko sa usa ka hingpit nga pagrepaso sa performance sa mga opisyal sa gobiyerno nga molapas sa lebel sa Gabinete isip kabahin sa nagpadayon nga mga paningkamot sa pag-recalibrate sa iyang administrasyon aron matubag ang mga panginahanglanon sa katawhan.
“We are looking at the problem deeply,” nagkanayon ang presidente.
“I don’t do things pang optics (for show or appearance). If there is a problem, I like to fix it. So that’s what we are doing. So expect us to be doing a rigorous performance review, not only at the Cabinet level, but even deeper,” dugang niya.
Wa pud niya hatagi og bili ang bag-ohay nga survey nga nagpakita kang Bise Presidente Sara Duterte nga adunay mas taas nga trust rating nga 50 percent, samtang ang iya anaa sa 32 porsiyento gikan sa 29 porsiyento sa Abril.
Ang survey nga gihimo sa Pulse Asia gikan Mayo 6 hangtod 9 sa 1,200 ka rehistradong botante, nagpakita sab og 63 porsiyento nga trust rating ni kanhi Presidente Rodrigo Duterte.
“Madaming ibang survey. Let’s not base it on one,” sumala ni Marcos.
“Again, let’s look at other surveys, know your source. That’s always an… imperfect information makes you make imperfect decisions. The more perfect your information, the more perfect your decision will be.
"That is one source of information, and you have to understand where it’s actually coming from,” siya midugang. / TPM/SunStar Philippines