Niduyog si Presidente Ferdinand Marcos Jr. sa Muslim Filipino community niadtong Dominggo, Enero 26, 2025, sa paghandom sa Al Isra Wal Mi'raj, uban sa panghinaot nga magsilbi kining pahinumdom nga ang kalampusan makab-ot pinaagi sa paningkamot ug pagpursige.
Sa iyang mensahe, si Marcos malaumon nga ang tinahod nga kalihukan sa mga Muslim, ang Night Journey ug Ascension of the Prophet Muhammad, nagsimbolo sa lig-on nga debusyon ug espirituhanon nga kalig-on sa mga Muslim sa pagpasidungog kang Allah, sa tanang makadungog ug makakita, madasig sa matinud-anon nga pagtuo padulong sa pagkab-ot sa usa ka malinawon ug malambuon nga nasod alang sa tanan.
"As you venerate this historic miracle through supplication and prayer, may its essence inspire among the Muslim faithful the value of perseverance through hardship and grief," matod sa Presidente.
"Let this observance also serve as a reminder that success is the reward of diligence and amity, and that sacrifice, persistence, and faith can guide us towards realizing our shared purpose in building a peaceful and progressive nation for all," dugang ni Marcos.
Matod sa Presidente, ang milagrusong panaw ni Muhammad pagpangita og espirituhanong kamatuoran, kaalam, ug pagpadayag, nagpakita sa lawom nga pagsalig sa mga matinud-anon ug ang katuyoan sa ilang padayon nga mga tradisyon sa pagtuo.
Ang Al Isra Wal Mi'raj, mahinungdanon kaayo sa mga Muslim kay magsilbi kining pagsuway sa lig-on nilang pagtuo ug makonsiderar nga personal nga gasa gikan ni Allah ngadto sa Propeta.
Usa usab kini sa labing dako nga timailhan ug milagro nga gihatag ngadto sa Propeta human sa Qur'an. / TPM / SunStar Philippines