Nimando si Presidente Ferdinand Marcos Jr. nga ilangan ang pagsugod sa rehabilitasyon sa Edsa sulod sa usa ka bulan.
Sa usa ka press conference, si Marcos niingon nga adunay panginahanglan nga tun-an ang bag-ong mga teknolohiya, nga magamit aron mapadali ang pagpalambo sa Edsa, nga gilauman nga makahatag og grabeng trapiko.
“Pause muna doon sa ating rehabilitation. Huwag muna nating gagawin dahil pag tinitingnan natin ‘yung cost-benefit and analysis, maganda sana kung maayos natin ngunit ang laking sakripisyo nun dalawang taon, masyadong mabigat, mahigpit ang traffic,” matod ni Marcos.
Gitataw ni Marcos nga kinahanglang planuhon og maayo ang tanan sa dili pa sugdan ang proyekto.
“Bigyan natin ang sarili natin ng isang buwan. Pag-aralan natin itong bagong teknolohiya na nakikita natin. Gumawa tayo ng magandang plano. Baka naman imbes na dalawang taon, magawa natin sa isang buwan. Tingnan natin kung anong available sa atin,” pasabot ni Marcos.
Ang Department of Transportation (DOTr) ug ang Metropolitan Manila Development Authority (MMDA) sa sayo pa, nagpahibalo sa pagpatuman sa nagkalain-laing mga ideya aron maminusan ang kahuot sa trapiko tungod sa umaabot nga dako nga rehabilitasyon sa Edsa.
Ang rehabilitasyon gikatakda unta magsugod sa Hunyo 13, 2025 ug gilauman nga molungtad og labing menos duha ka mga tuig.
Naglakip kini sa pagpatuman sa 24-oras nga odd-even number coding scheme aron makunhoran ang gidaghanon sa mga sakyanan nga moagi sa 23.8-kilometro nga mayorihang agianan. / TPM / SunStar Philippines