Nagpahayag sa iyang kasagmuyo si Presidente Ferdinand “Bongbong” Marcos Jr. sa Senior High School (SHS) nga programa sa nasod nga matod niya “walay kaayohan” sa mga estudyante og sa ilang mga ginikanan.
Sa miaging semana, gipasaka ni Senate President Pro Tempore Jinggoy Estrada ang Senate Bill 3001, nga nagtinguha sa pagtangtang sa dugang duha ka tuig sa SHS.
Gisugyot sa balaudnon ang pagpatuman pag-usab sa daan nga istruktura sa edukasyon: usa ka tuig sa kindergarten, unom ka tuig sa elementarya, ug upat ka tuig sa secondary education.
Si Estrada nangatarungan nga ang Republic Act 10533 o ang Enhanced Basic Education Act of 2013, napakyas sa pagkab-ot sa iyang mga tumong bisan pa sa pagpatuman niini sulod sa milabay nga 12 ka tuig.
Matod niya nga ang programa nakahatag lamang og gasto sa mga estudyante ug ginikanan sa panahon ug kuwarta nga wala makahatag sa gisaad niini.
Sa ikaduhang episode sa BBM Podcast, gisubli ni Marcos ang gibati ni Estrada.
“It’s just expressing the same frustration that I expressed in the first place. It’s costing more for the parents kasi nadagdagan ng two years pa... magmamatrikula pa ‘yan, maraming school supplies, libro… Sa ten years, wala namang advantage, wala namang naging advantage, hindi naman nakukuha sa trabaho, e. That’s his frustration, that’s also my frustration,” matud ni Marcos.
“So, we’ll see what the Congress will do. But while the law is still K to 12, basta’t ang sinabi ko kay (Department of Education Secretary) Sonny Angara, pagandahin natin nang husto habang nandiyan pa ‘yan,” dugang niya.
“Kasi madalas nating naririnig, ‘mismatch kasi ‘yung skills ko, hindi employable,’ ‘magaling ako magganito, hindi naman nila kailangan,’” sumala sa presidente.
Aron masulbad ang isyu sa skills mismatch, niingon si Marcos nga nakigtambayayong ang gobiyerno sa pribadong sektor aron matabangan ang mga graduwado sa SHS nga makakita og trabaho.
“We asked them (private sector), ‘Ano ba ang kailangan ninyong skills, klaseng trabahador para ma-employ sa inyo?’ In fairness, the private sector went even one step further — gusto niyo kami na magpatakbo ng training tapos paglabas na sa training, may trabaho sila sa amin,” nagkanayon si Marcos.
Si Marcos nisaad sab og padayon nga suporta alang sa pagpalambo sa sistema sa edukasyon sa nasod.
Gipunting niya ang kaimportante sa pagsuporta sa mga magtutudlo ug pagpagaan sa ilang workload pinaagi sa pag-hire og daghang mga edukador ug administratibong staff. Gipasabot sab niya ang panginahanglan sa training ug re-education sa mga magtutudlo, ilabi na tungod sa mga kalambuan sa tek-nolohiya.
Dugang pa sa presidente nga mas daghang classroom ang tukoron aron masulbad ang padayon nga kakulangan sa classroom sa tibuok nasod. / TPM / SunStar Philippines