Nipasidaan si Bise Presidente Sara Duterte kang Senador Imee Marcos nga iyang ilabay sa West Philippine Sea (WPS) ang ilang amahan nga si kanhi Pres. Ferdinand Marcos, Sr.
“Sinabihan ko si Senator Imee pag hindi kayo tumigil, huhukayin ko yang tatay niyo. Itatapon ko siya sa West Philippine Sea,” matod ni Duterte atol sa press conference sa Biyernes, Oktubre 18, 2024.
“One of these days, pupunta ako doon, hukayin ko katawan ng tatay niyo, itapon ko yan sa West Philippine Sea. Sinabi ko yan sa kanya,” matod ni Sara.
Gihimo ni Duterte ang pamahayag taliwala sa giingong panagbingkil tali niya ug ni Presidente Ferdinand “Bongbong” Marcos Jr., ilabina human ang chief executive niingon nga gibati niya nga “nailad” siya.
Si Marcos Jr. nihimo sa maong pamahayag human niingon si Duterte nga dili managhigala ang duha ug suod lang sila ni Senador Imee.
Una niini, si Duterte ni-resign isip education secretary sa administrasyon ingon man bise-chairperson sa anti-insurgency council nga nagtimaan sa iyang dayag nga pagkabulag sa administrasyon.
Si Marcos Jr. ug Duterte maoy nag-uban sa pagdagan sa 2022 national elections.
Si Duterte niingon nga “klaro” nga gigamit siya sa mga Marcos aron modaog.
Matod niya, giawhag siya ni Senador Imee nga modagan pagka Bise Presidente sa iyang igsuon kay nasayod sila nga dili sila modaog batok kang Leni Robredo kon wala siya.
“Yes, clear naman yon tinanong ko (si Senator Imee) bakit ako? (She responded) ‘matatalo kami ni Leni pag hindi kami dalhin ng mga Bisaya,” dugang ni Duterte.
Kahinumdoman nga niadto lang 2016, ubos sa administrasyon ni kanhi Presidente Rodrigo Duterte, nabutang sa Libingan ng mga Bayani nga may bug-os nga military honors.
Nakadawat si Duterte og mga pagsaway tungod sa pagtugot sa paglubong sa kanhi diktador sa Libingan ng mga Bayani, pagbukas pag-usab sa mga samad nga nahiaguman sa mga biktima sa paglapas sa tawhanong katungod ubos sa paghari ni Marcos.
Hinuon, matod niya nga mao kini ang iyang paagi sa pagpasalamat kang Senador Imee, kinsa kanhi gobernador sa Ilocos Norte, kinsa mitabang kaniya sa pagpundo sa iyang kampanya sa pagkapresidente.
Karong bag-o, gibasol si Duterte sa giingon sa mga magbabalaod nga “misuse” sa budget sa Office of the Vice President.
Si Duterte nagdumili sa pag-atubang sa mga pagdungog sa Kongreso bahin sa deliberasyon sa budget, tungod kay gigamit lang kini sa pag-atake kaniya.
Siya usab niingon nga bisan pa sa pagpahigayon og mga pagdungog, sa katapusan, si House Speaker Martin Romualdez, ig-agaw sa mga Marcos, ug House Committee on Appropriations chairperson Ako Bicol Party-list Representative Zaldy Co lamang ang nagkontrol sa budget sa nasudnong gobyerno.
Gikan sa gisugyot nga P2,026,357,000 nga budget allocation alang sa OVP ubos sa National Expenditures Program 2025, gipaubos kini sa P733,198,000.
Matod ni Duterte, aduna usay padayon nga diskusyon bahin sa iyang impeachment, nga padayon nga gipanghimakak sa mga magbabalaod. / TPM / SunStar Philippines