Gipasiugda ni Presidente Ferdinand Marcos Jr. ang importansya sa kasamtangang alyansa sa Pilipinas ug Estados Unidos aron mapadayon ang kalinaw ug kalig-on sa South China Sea ug sa mas lapad nga rehiyon sa Indo-Pacific.
Sa iyang pamulong atol sa bilateral meeting kauban si US Secretary of Defense Pete Hegseth didto sa Pentagon kaniadtong Lunes, Hulyo 21, 2025, giila ni Marcos ang ka importansya sa alyansa sa duha ka nasod.
Gipunting niya ang panginahanglan alang sa padayon nga bilateral nga panaghisgot tali sa Pilipinas ug US taliwala sa paspas nga pagbag-o sa geopolitical dynamics.
Gipahayag niya ang pasalamat alang sa padayon nga suporta sa gobiyerno sa US pinaagi sa hiniusang ehersisyo sa militar ug ang padayon nga modernisasyon sa Armed Forces of the Philippines (AFP).
“That forms a very, very important part of that relationship. And again, it is a proper response considering the challenges that we face in the Philippines specifically vis-à-vis the changing geopolitical forces and the political developments around our part of the world,” matod ni Marcos.
“We must continue to be in discussion. We must continue to evolve that relationship as the circumstances, the context in which we operate has evolved,” dugang niya.
Si Marcos tua sa Washington, D.C. alang sa tulo ka adlaw nga opisyal nga pagbisita, nga naglakip sa usa ka miting kauban si US President Donald Trump.
Siya ang unang lider sa Southeast Asia nga nadawat ni Trump atol sa iyang ikaduhang termino sa katungdanan. / TPM / SunStar Philippines