Maryville Subdivision mipahigayo'g prosisyon sa imahen ni Birhen Maria

TAMPO
PROSISYON: Ang mga lumolupyo sa Maryville Subdivision sa Barangay Talamban, dakbayan sa Sugbo, ningsalmot sa prosisyon sa imahen ni Mary Help of Christians niadtong Mayo 25, 2024. / TAMPO

Mga lumolupyo sa Ma­ry­ville Subdivision sa Brgy. Talamban, dakbayan sa Sugbo, ningsalmot sa siyam ka adlaw nga nobena nga gitapos sa prosisyon sa imahen ni Mary Help of Christians niadtong Mayo 25, 2024.

Ang mga tag-iya sa balay nagtapok sa kapilya alang sa mga pag-ampo ug mga petisyon ngadto sa Mahal nga Birhen Maria, nga nangita og kahupayan ug grasya sa tibuok siyam ka adlaw.

Sa katapusang adlaw, ang prosisyon, nga gipangulohan ni Fr. Godofredo Atienza gikan sa mga Salesian sa Don Bosco, nilibot sa subdivision, mihunong sa gitudlo nga mga altar ug sa Don Bosco Provincial House grounds.

Ang kalihukan gitapos sa kapilya pinaagi sa katapusang pag-ampo ug pagbendisyon ni Fr. Atienza, gisundan sa katapusang himno ug paghalad og mga rosas kang Maria. Ang kalihokan nagsilbi nga pahinumdom sa gahom sa pagtuo ug espiritu sa komunidad atubangan sa mga hagit sa kinabuhi. Gisaulog kini nunot usab sa kapistahan. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph