Bisan naangkon na niya ang iyang ikawalong MVP award sa Philippine Basketball Association (PBA), gilikay lang gihapon sa Suboanong higante nga si June Mar Fajardo ang iyang pangalan sa debati kabahin sa greatest of all time (GOAT).
Alang sa produkto sa University of Cebu (UC) Webmasters ug lumad nga taga lungsod sa Pinamungajan, Cebu, daghan pa gihapon siya’ng angayang trabahuon aron makonsiderar nga GOAT.
Nidugang si Fajardo nga aduna pa’y laing mas angayang ikonsiderar nga GOAT ug usa sa iyang gitumbok mao ang laing Bisaya nga si legend Ramon “El Presidente’ Fernandez.
“Masaya ako na mapabilang doon pero sa tingin ko malayo pa ako doon. Maraming deserving na tawaging GOAT ng PBA,” pasabot ni Fajardo nga napatik sa Spin.ph.
“Si Papa Mon lang, dami nyang championships. 19 championships. Ako, 10 pa lang yata. Sobrang layo ko pa sa kanya.”/ ESL