Mayor Chan mohatag og cash incentives

Mayor Chan mohatag og cash incentives
Mayor Junard Chan

Garbo ug tumang kalipay ang gibati ni Lapu-Lapu City Mayor Junard ‘Ahong’ Chan tungod sa paglangkat og bulawang medalya sa duha ka mga magduduwa nga taga dakbayan atol sa unang adlaw sa Palarong Pambansa sa Huwebes, Hulyo 11, 2024.

Si Chan nahinabi sa online news and commentary program nga ‘Beyond The Headlines (BTH)’ sa SunStar Cebu Facebook page, pasado alas 12 sa udto.

Si Asia Paraase, tinun-an sa Pajo National High School, maoy nikuha sa labing unang gold medal sa Palaro ning tuiga alang sa 3000-meter run secondary girls category.

Samtang, si Troy Nathaniel Abing, 12, nisakmit usab sa gold medal alang sa arnis individual single weapon ca­tegory.

Matod ni Chan, mohatag siya og cash incentives sa tanang Palaro players nga taga Lapu-Lapu City apan wa una nibutyag sa kantidad niini, dason niya, moagi pa kini og proseso ug ang kantidad magdepende usab sa medalya nga nakuha.

Dugang mga estorya bahin sa Palaro naa sa sports section ning mantalaan. / RRM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph