Nanawagan ang Mandaue Chamber of Commerce and Industry (MCCI) og mas balanse ug base sa ebidensya nga pamaagi sa pagpausbaw sa suholan sa mga mamumuo.
Kini human giaprobahan sa House of Representatives ang balaudnon nga nagmando og P200 nga usbaw sa inadlaw nga minimum nga suholan alang sa pribadong sektor.
Samtang gisuportahan sa business sector ang patas nga suholan alang sa mga mamumuo, niingon si MCCI President Mark Ynoc sa usa ka pahayag nga kinahanglan sab nga tagdon ang mas lapad nga kamatuoran sa ekonomiya.
Sumala ni Ynoc, daghang negosyo ang naglisod pa sa nagpabiling epekto sa pandemya, inflation, ug naglisod sila sa pag-absorb sa across the board nga usbaw sa suholan.
“While we strongly support fair compensation for workers, we also recognize the significant challenges that businesses continue to face in the current economic environment. We urge a balanced, evidence-based approach to wage adjustments that ensures both workers’ rights and business sustainability are prioritized,” nagkanayon si Ynoc. / CAV