Niuyon ang New Orleans Pelicans nga i-trade ang ilang beteranong guard nga si CJ McCollum apil si center Kelly Olynyk ug second-round pick sa Washington Wizards.
Isip baylo, nadawat sa Pelicans gikan sa Wizards sila si Jordan Poole, Saddiq Bey ug 40th overall pick sa 2025 National Basketball Association (NBA) rookie draft.
Si McCollum, kinsa 12 ka mga tuig nga beterano ug nag-average og 19.6 puntos sa kinatibuk-an sa iyang karera, moduwa sa ikatulo niyang team sa NBA.
Ang premirong team ni McCollum mao ang Portland Trail Blazers. / Gikan sa YahooSports