Ang beterano nga guard sa Indiana Pacers nga si T.J. McConnell nakapirma na og upat ka tuig nga contract extension balor og $45 milyones matod pa sa taho ni Adrian Wojnarowski sa ESPN.
Ang deal magsugod sa 2025-26 season sa pag-expire na sa current contract niya nga nagkantidad og $9.3 milyones sa 2024-2025 National Basketball Association (NBA) season.
Si McConnel nahimong miyembro sa Pacers tuig 2019 human sa upat ka tuig niya sa Philadelphia 76ers.
Ang 32-anyos miduwa og 71 games sa miaging season, nag-average kini og 10.2 puntos, 5.5 assists ug 2.7 rebounds sa 18.2 minutos nga playing time.
Mihatag pud kini og solido nga numero gikan sa bench sa playoffs, diin nag-average siya og 11.8 puntos, 5.1 assists, 3.1 rebounds sa 20 minutos nga playing time. / RSC