McGregor moaway pagbalik inig Hunyo 29

Mahitabo karong Hunyo 29, 2024 ang dugay na nga gi­huwat nga pagbalik og a­­way ni mixed martial arts (MMA) superstar Conor Mc­Gregor sa Ultimate Fighting Championship (UFC).

Ning maong tahas, makigbinukbokay si McGregor ni Michael Chandler sa Las Vegas, USA sa main event sa UFC 303. Magsangka sila sa 170 pounds.

Si McGregor, 35, kinsa adu­nay 22-6 nga rekord, katapusang niaway niadto pang Hulyo 10, 2021 diin nabali ang iyang wa nga bitiis sa ilang away ni Dustin Poirier sa UFC 264.

Si Chandler, 37, kinsa adu­nay 23-8, katapusang niaway niadtong Nobiyembre 12, 2022 batok sab kang Poirier.

Ning maong away, napilde si Chandler pinaagi sa submission. / ESL