MCWD mihatag og 'ultimatum' sa City Hall

MCWD building.
MCWD building.Google Stree View

Kutob na lang ning buwana, ang pag-okupar sa pipila ka buhatan sa Cebu City Hall nga edipisyo nga gipanag-iya sa Metropoli­tan Cebu Water District (MCWD) sa dan M.C. Briones, Barangay Sto. Niño.

Kini human ang MCWD niisyu kanila og final demand letter nga mobiya sa building human ang City Government ug MCWD napakyas sa pagkasabot sa lease terms, partikular na sa lease rates.

Si MCWD Chairman Jose Daluz III niingon nga ang demand letter giisyu ngadto sa City Hall niadtong unang se­mana sa Pebrero.

Subay niini nga lakang, si Daluz niingon nga ang water district nangandam na karon sa pag-bid sa duha ka andana nga building ngadto sa usa ka leasing company.

Matod ni Daluz, ilang gipaabot nga dul-an sa P1 milyunes nga dugang kita ma­tag buwan sa higayon nga maabangan na ang building.

Atol ning pagsuwat, wala pay reaksiyon ang Cebu City Government sa maong demand letter gikan sa MCWD.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph