Menor de edad 'milungkab’ sa tunghaan, ‘na-rescue’

 NA-RESCUE: Ang 16 anyos nga na-rescue sa mga polis sa  Police Station 1 sa Isla sa Olango, siyudad sa Lapu-Lapu, human nanglungkab sa Talima Elementary School sa Barangay Talima ug nadiskobrehan alas 7:00 sa buntag, Lunes, Marso 11, 2024. ./
NA-RESCUE: Ang 16 anyos nga na-rescue sa mga polis sa Police Station 1 sa Isla sa Olango, siyudad sa Lapu-Lapu, human nanglungkab sa Talima Elementary School sa Barangay Talima ug nadiskobrehan alas 7:00 sa buntag, Lunes, Marso 11, 2024. ./ gikan sa Lapu-Lapu City Police Station 1

Usa ka 16 anyos nga lalaki na-rescue sa mga sakop sa police station sa Isla sa Olango, siyudad sa Lapu-Lapu, human giingon nga nanglungkab og eskwelahan.

Gilungkab mao ang Talima Elementary School sa Barangay Talima ug nadiskobrehan alas 7 sa buntag sa Lunes, Marso 11, 2024.

Apan gi-report ang lungkab sa alas 11 sa buntag ug na-rescue ang suspek alas 12 na sa udto.

Na-recover ang mga nakuha sa suspek nga usa ka laptop nga nikantidad og P46, 262 ug usa ka cell phone nga balor og P10,000.

Matod ni Police Staff Sgt. Crisostomo Inoc, investigator on case sa Police Station 1 sa Lapu-Lapu City Police Office, nga ang principal sa tunghaan nga si Leandra Tongco Aclan nidangop sa ilang buhatan ug nisumbong sa lungkab.

Sa pagsusi, nasuta nga ang suspek niagi sa kesame sa buhatan sa principal pinaagi sa pagguba sa plywood, ug sa dihang nakasud na, gisakiyo ang butang.

Apan nailhan ang suspek kay may nakakita kaniya nga nigawas gikan sa eskwelahan nga dunay gibitbit.

Ang suspek gi-turnover sa Lapu-Lapu City Home Care isip menor apan pasakaan og tukmang kaso. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph