Nasugamak ang Meralco Bolts sa kapildihan batok sa host Ryukyu Golden Kings, 77-74, sa East Asia Super League (EASL) Season 2 niadtong Miyerkules sa gabii, Oktubre 16, 2024, sa Okinawa Arena sa Japan.
Ang Golden Kings, nga maoy Japan B.League runner-up sa niaging tuig, nagpauwan og three-point shots aron pagposte og 51-35 nga labaw sa halftime.
Ang Bolts, nga nahagbong sa 1-1 nga rekord, ninggukod apan nakakita og paagi ang Golden Kings sa hinapos nga bahin aron pakgangon ang pagpanghudlat sa usa sa duha ka mga representante sa Philippine Basketball Association (PBA).
Si Victor Law, kinsa kanhi sakop sa Orlando Magic sa National Basketball Association (NBA), maoy nangulo sa Golden Kings pinaagi sa iyang 18 puntos ug 12 rebounds.
Puntos matag usa:
Ryukyu (77) — Law 18, Cooley 18, Kirk 12, Eumatsu 9, Matsuwaki 9, Waki 6, Kishimoto 3, Arakawa 2.
Meralco (74) — Kennedy 30, Durham 14, Newsome 14, Kouame 4, Quinto 4. / ESL