Ningbangon gikan sa kapildihan ang Meralco Bolts ug gipahimungtan ang Utsunomiya Brex, 97-86, niadtong Dominggo sa gabii, Hunyo 8, 2025, sa Basketball Champions League Asia sa Dubai.
Sa kadaugan, ang Bolts nga ningsaka sa 1-1 nga rekord sa Group B, nakasiguro na og luna sa quarter-finals.
Ang Bolts nga nabunyagan og dakong pilde batok sa home team Shabab Al Ahli, 87-101, nagbangis batok sa Brex nga maoy defending Japan B.League champion.
Gipangulohan ni Chris Banchero ang Bolts pinaagi sa iyang 17 puntos. / ESL