Sila ang mga artista sa Hollywood nga naila sa ilang iconic role nga Hesukristo. Ilailaha sila luyo sa ilang karakter ug unsa ang nahimo nilang kinabuhi human sa ilang kalampusan sa pelikula isip anak sa Diyos.
ROBERT POWELL, 81
Niretiro na sa pag-arte ang English actor nga si Robert Powell apan nagpabilin ning aktibo isip voice actor ug narrator sa mga historical documentary. Si Powell nga naila sa 1977 television miniseries nga Jesus of Nazareth nagbase karon sa London kauban ang Pan’s People Star nga si Babs Lord nga iyang kapikas sulod na sa 50 katuig, ug ang duha nila ka mga anak. Photos: Facebook
TED NEELEY, 82
Ang American singer ug actor nga si Ted Neeley kinsa nisikat sa 1973 film adaptation Jesus Christ Superstar, padayon nga giselebrar ang legasiya sa maong pelikula pinaagi sa iyang Farewell Screening Tour diin makita ang remastered version sa maong rock opera. Espesyal ni Neeley ang Jesus Christ Superstar kay dinhi niya nahimamat ang iyang napangasawa nga si Leeyan Granger nga kanhi backup dancer. Photos: Instagram
BRIAN DEACON, 77
Bisan kon naila siya sa pelikulang Jesus o The Jesus Movie niadtong 1979 apan gihulagway ni Brian Deacon ang kaugalingon nga “lapsed catholic” o adunay kaugalingon nga espritwal nga tinuhoan. Human sila nag-divorced sa una niyang asawa, subli ning nagpakasal ngadto sa French actress ug producer nga si Nathalie Bloch-Laine. Si Deacon nagpabiling aktibo isip aktor ug voice performer sa mga video game. Photos: Facebook
JIM CAVIE—ZEL, 57
Ang American actor nga si Jim Caviezel usa ka deboto nga katoliko ug gani, dili ni modawat og graphic sex isip respeto niya sa iyang asawa ug tinuohan. Dihang gihimo niya ang The Passion of the Christ niadtong 2004, naigo ni sa kilat, nabali ang iyang abaga ug nakaangkon og dakong uwat sa likod agi sa mga samad. Nasakit sab ni og pneumonia ug kaduha gioperahan sa kasingkasing tungod sa mga grabeng scene niya sa pelikula. Photos: Instagram
DIOGO MORGADO, 45
Niangkon ang Portuguese actor nga si Diogo Morgado nga life-changing experience niya ang papel nga Hesus sa The Bible (2013) ug Son of God (2014). Ang The Bible mao ang highest-rated cable program nianang tuiga. Apan tulo katuig human sa iyang kalampusan nagbuwag sila sa iyang long-time partner nga maoy inahan sa iyang duha ka mga anak. Si Morgado usa na ka direktor ug producer og mga pelikula. Photos: Instagram