Isip kabahin sa ilang paningkamot sa pagtampo sa katilingban, ang Aboitiz Construction nisalmot sa tinuig nga Brigada Eskwela sa Department of Education pinaagi sa ilang programa nga Project HOPE o Helping Our Public Education.Mga boluntaryo misalmot sa Brigada Eskwela sa 11 ka public schools
Gikan Mayo 30 hangtod Hunyo 11, 2025, ang mga empleyado nga boluntaryo sa Aboitiz Construction nibisita sa 11 ka tunghaan sa lainlaing rehiyon sa nasod aron maghatag og mga gamit pang-eskwela ug motabang sa mga kalihukan sa Brigada Eskwela.
Nagsugod ang ilang kalihukan sa Mayo 30 sa Arpili Elementary School sa Balamban, Cebu, gisundan kini sa San Pedro Elementary School sa Panabo City, Davao del Norte niadtong Hunyo 5. Sa Hunyo 9, nipadayon ang ilang tabang sa Bagong Elementary School sa Malvar, Batangas, ug sa Hunyo 11, sa Hayanggabon Elementary School sa Claver, Surigao del Norte.
Sa samang petsa, ang mga boluntaryo sab gilusad sa Tarlac City aron suportahan ang unom ka elementarya sa Lourdes, Cutcut II, Don Pepe Cojuangco Homes, Asturias, Balete, ug duha ka campus sa Central de Azucarera High School (Main ug Annex).
Sa matag lugar nga ilang gibisita, ang Aboitiz Construction nagtugyan og mga gamit sa eskwelahan, pag-ayo, ug panglimpyo. Nakig-alayon sab sila sa mga ginikanan ug magtutudlo sa pagpanglimpyo sa mga classroom ug paghimo og mga garden aron mapaayo ang kahimtang sa pagkat-on sa mga estudyante.
Pinaagi sa Brigada Eskwela ug Project HOPE, nagpadayon ang Aboitiz Construction sa pagsuporta sa kaugmaon sa edukasyon sa nasod. / PR