Mga buhatanan og pabuto susihon

Mga buhatanan og pabuto susihon
File photo

Magsugod na ang kapulisan sa Central Visayas sa paglibot sa mga himuanan sa mga pabuto ning nagkaduol na ang Pasko ug Bag-ong Tuig.

Naila ang dakbayan sa Lapu-­Lapu nga usa tinubdan sa mga pabuto sa tibuok Pilipinas nga tungod niini kinahanglan nga susihon sa kapulisan kon unsa ka luwas ang maong dapit sa posibling sunog.

Nasunog ang usa ka buhata­nan sa pyrotechnics sa Purok Judas Belt, Brgy. Babag 2, upat ang nangamatay ug u­­nom ang nangaangol.

Ang Lapu-Lapu City Police Office uban sa Firearms and Ex­plosives Office mihimo na sa ilang imbestigasyon labot sa insidente. Matod ni Po­lice Lt. Col. Gerard Ace Pe­lare, spokesperson ni Police Bri­ga­dier Gen. Anthony Aberin, hepe sa Police Regional Office 7, nga ilang istriktuhon ang pagpatuman sa lagda sa pabuto.

Iyang gipasabot nga dili kini mamahimo’ng ibaligya sa asiras lang sanglit dunay balaod nga didto sa usa ka lugar nga luwas, layo sa kabalayan ang pagbaligya. Usa sa hugot nga giawhag sa kapulisan niadtong dunay mga armas nga dili mogamit niini atol sa pagsaulog sa Pasko ug pagsugat sa Bag-ong Tuig aron way mabiktima sa saag nga bala.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph