Mga CR sa bus terminals panghimuong moderno

Mga CR sa bus terminals panghimuong moderno
SunStar Local News GPX

Sugod sunod semana, sugdan na ang pag-renovate ug himuong moderno ang karaang mga pansayan sa mga terminal nga gidumala sa Kapitolyo.

Gipahibalo sa Capitol Information Office nga ang lakang nahukman atol sa tigom tali kang Governor Gwendolyn Garcia ug kadagkuan sa Mister Loo Philippines nga maoy gitahasan sa pagpanindot ug mopabag-o sa mga pansayan.

Ang bag-ong mga pansayan mahimo’ng tech-enabled ug digitalized na aron masiguro nga luwas ug limpyo nga magamit sa mga pasahero ang mga pansayan.

Adunay 28 ka toilet cubicles nga imuntar sa terminals diin 20 niini diha sa Cebu South Bus Terminal ug ang laing walo sa may North Bus Terminal.

Ang mga portalet temporar­yong i-instalar aron dili kini makahatag og kahasol sa mga mobiyahe ilabi na ning holiday season.

Gilaraw nga mahuman ang upat ka mga phase sa bag-ong mga pansayan sa Enero ug magamit na alang usab sa kasaulogan sa Sinulog.

Una na nga gipahibawo ni Garcia ang plano’ng pagpalambo sa mga pansayan sa terminal aron pagsiguro nga luwas ug limpyo kini nga magamit sa tanang mga pasahero, lakip na ang mga bata.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph