Agi og pag-uyon sa mga opisyal sa panglawas, ang Archdiocese of Manila nag-awhag sa mga debutong Katoliko nga ikonsiderar ang pagsul-ob og face mask samtang moapil sa tradisyunal nga mga kalihukan panahon sa Pasko, lakip na ang pagtambong sa “Simbang Gabi.”
Sumala sa Circular No. 2023-106, si Manila Archbishop Cardinal Jose Advincula niingon nga ilang gidasig ang mga debuto nga magsul-ob og face mack nga girekomenda sa ilang Ministry on Health Care kon motambong sa holiday parties ug magpahigayon og Christmas caroling.
“Heeding the recommendations of the Ministry on Health Care of the Archdiocese of Manila, we request our communities to observe the health and safety protocols,” matod ni Advincula. “Let us practice voluntary wearing of face masks and hand hygiene,” dugang niya.
Sa susama, gihangyo sa cardinal ang mga adunay mga sintomas sa sakit sa respiratory nga likayan ang pag-adto sa mga simbahan ug pagtambong sa ubang mga kalihukan sa Pasko.
“Those who are ill must be reminded to stay at home so as not to spread infection,” matod ni Advincula. Sa pagbuhat niini, siya niingon nga ang mga debuto magpraktis og buhat sa kaluoy ngadto sa ilang mga silingan sama sa gitudlo sa Simbahan.
“Let these measures be our gesture of charity and compassion for others, especially those who are vulnerable,” matod ni Advincula.