Mga duwa sa Gilas isalida sa telebisyon

Mga duwa sa Gilas isalida sa telebisyon
SunStar Basketball

Isalida sa local television channels ug online streaming sa Pilipinas ang mga duwa sa Gilas Pilipinas sa umaabot nga FIBA Olympic Qualifying Tournament sa Riga, Latvia.

Sa OQT, ang Gilas nahiluna sa Group A kauban ang host Latvia ug Brazil.

Ang mopatigbabaw nga duha sa matag grupo mao ang makataak sa crossover semi-finals.

Ang premirong tahas sa Gilas diin ikaharong nila ang host Latvia isalida karong alas 12:00 sa kaadlawon sa Huwebes, Hulyo 4, 2024 (PH time) isalida nga live sa One Sports, One Sports+, ug online streaming platform Pilipinas Live.

Ang sunod nga tahas sa Gilas batok sa Georgia ipasalida live sugod sa alas 8:30 sa gabii sa samang adlaw sa One Sports, RPTV, ug Pilipinas Live.

Aduna kini delayed telecast sa One Sports+ inig labay sa kapin sa usa ka oras.

Sa OQT, adunay maengkuwentro ang Gilas nga kanhi mga magduduwa sa National Basketball Association (NBA) ug mga beterano sa Fiba World Cup.

Ang mga sakop sa Gilas ni coach Tim Cone mao sila Chris Newsome, Kai Sotto, June Mar Fajardo, CJ Perez, Calvin Oftana, Mason Amos, Dwight Ramos, Japeth Aguilar, Kevin Quiambao, Justin Brownlee, ug Carl Tamayo.

Isip tipik sa ilang preparasyon sa OQT, ang Gilas ningsagubang og tulo ka sunodsunod nga tune-up games diin nasubhan og kadaugan batok sa Taiwan Mustangs.

Sa nagsunod nilang duha ka tune-up games, nakasukol pa’g insakto ang Gilas una kini ningyukbo batok sa Turkey, 84-73, Poland, 82-80. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph