Mga ginikanan, kabanay sa 4 ka bata gipangita sa DSWD 7

Mga ginikanan, kabanay sa 4 ka bata gipangita sa DSWD 7

Nanawagan sa publiko ang Reception and Study Center for Children (RSCC) sa Department of Social Welfare and Development (DSWD VII) sa pagpa­ngita sa inahan sa bata o kaparyentihan sa mga mosunod nga bata nga ubos sa ilang pag-atiman.

1) JOSEPH SANTINO, giba­na-bana nga usa pa ka adlaw ang pangidaron. Nakit-an ni Marivic G. Libron sulod sa Sacred Heart of Jesus Parish sa Sitio Tangkong I, Brgy. Mojon, lungsod sa Bantayan niadtong, alas 4:30 sa buntag, Hul­yo 2, 2023.

2) CHRISTIAN NIÑO LEGASPI, gibana-bana nga bag-ong natawo o nahimugso niadtong Disyembre 5, 2023.

Ang maong bata gibilin sa wala mailhi nga inahan sa Brgy. Sto., Nino, Cebu City ngadto kang Lilia Villar Gabunada, 55, tindera sa maong dapit nga taga Lower Kalunasan, Cebu City.

Matod pa ni Gabunada, niadtong Disyembre 5, 2023, alas 11:00 sa gabii samtang siya naninda, dunay niduol nga babaye nga nagsul-ob og jacket nga nagkugos sa bata nga duna pay umbilical cord ug placenta. Niingon ang maong inahan kon dili dawaton iya ibutang ang bag ong natawo nga bata sa dalan.

Naluoy si Gabunada sa bata mao nga iyang gidawat ug wala na siya kaklaro sa dagway sa inahan kay ngitngit.

Pagka alas 12:00 sa gabii sa samang adlaw, iyang gidala ang bata sa duol nga Police Station 3.

3) ASHLY DACLES, natawo niadtong Pebrero 19, 2023 sa Cebu City Medical Center, Cebu City.

Base sa birth certificate, ang iyang mga ginikanan mao sila si Clairemae Roa Dacles ug Kenneth Premacio Edisan nga nagpuyo sa Sitio Osaka, Brgy. Pahina, San Nicolas, siyudad sa Sugbo.

Ang mga ginikanan dili na makit-an sa ilang kanhi’ng gipuy-an.

4) JACOB BASE, natawo niadtong Oktubre 24, 2023 sa Cebu South Medical Center sa San Isidro, siyudad sa Talisay.

Ang inahan ni Jacob mao si Wilma Picato Base, 26, kanhi nagpuyo sa Tulay, Minglanilla, Cebu apan dili na siya karon makit an.

Ang maong mga bata karon ipaubos sa legal nga proseso sa pagsagop (legal adoption), busa among gipangita ang iyang inahan ug kaparyentihan ug ang ilang mga pagtugot.

Kon dili mopakita ang inahan ug kaparyentihan sulod sa usa ka bulan gikan ning pagmantala, isang-at ang kaso sa bata ngadto sa National Authority for Child Care (NACC) alang sa Administrative Abandonment proceedings.

Palihog sa pakigkita dayon sa RSCC Social Worker RSCC, DSWD Field Office VII sa Camomot Franza Road sa Katipunan St., Brgy. Labangon, siyudad sa Sugbo. Mahimong motawag sa 0918-6776928 ug 09330489075 sa labing dali nga panahon. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph